منتديات أبناء الفكي بشير

منتديات أبناء الفكي بشير ترحب بجميع الزوار الكرام
ونقول لهم حللتم أهلا ونزلتم سهلا

منتديات أبناء الفكي بشير

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات أبناء الفكي بشير

منتدى ثقافي إجتماعي رياضي

STRONG>منتديات أبناء الفكي بشير ترحب بالزوار والأعضاء الجدد في رحابها متمنيين لهم قضاء أجمل وأسعد الأوقات

      &&&&&&&         دعوة: لجميع الأهل بالفكي بشير للإنضمام لركب منتديات أبناء الفكي بشير

تم إنشاء المنتدي بحمد الله يوم 3/5/2010م
عيد سعيد وعمر مديد ليكم وكل عام وأنتم بألف خير مع أمنياتنا لقريتنا بالتقدم والإزدهار والخير والنماء

2 مشترك

    حبوبات اخر زمن

    مزمل فضل المولي مصطفي
    مزمل فضل المولي مصطفي
    المدير العام
    المدير العام


    عدد المساهمات : 32
    نقاط : 83
    السٌّمعَة : 0
    تاريخ التسجيل : 03/05/2010
    العمر : 47
    الموقع : السودان. الخرطوم

    حبوبات اخر زمن Empty حبوبات اخر زمن

    مُساهمة من طرف مزمل فضل المولي مصطفي الأحد مايو 16, 2010 11:53 am

    في ذلك الزمن سيتغير كل شيء

    ... ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة.
    قالت حبوبة (رؤية) مخاطبة حاجة شاهيناز التي كانت منهمكة في فرك البامية المحورة جينياً

    - والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية
    ..
    ردت عليها حبوبة (رؤية) وهي تطفأ البوتجاز الذي يعمل بنظرية الأوتار الفائقة

    نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك

    أمس حاجة هيام بت هيثم ود لؤي عملت شنو؟! ..

    نططت حاجة شاهيناز عيونها تهيؤاً لاستقبال الشمار وقالت:

    - مالا ؟! .. أنا عارفاها دي زولة عندها (ضلالات عدمية) تلقاها سوت ليها
    عملة كبيرة!!

    أجابتها حبوبة رؤية:

    - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..

    ومواصلة لهذه (القطيعة الإلكترونية) قالت حاجة شاهيناز

    أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية

    أضافت حاجة رؤية في استهجان:

    والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور

    أجابتها حاجة شاهيناز:

    أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!
    هزت حبوبة رؤية رأسها وقالت

    والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة

    قالت لها حبوبة رؤية
    ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
    وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون
    سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
    حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
    وعندك كمان (الحلة الفوتونية) ودي بتنجض الملاح بـ (الطاقة القمرية) ...
    وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوباريشن) المعتق ، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال
    :
    قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية) تريحنا من نقتكن الكتيرة
    avatar
    الشكيرى


    عدد المساهمات : 4
    نقاط : 5
    السٌّمعَة : 1
    تاريخ التسجيل : 15/05/2010
    العمر : 55
    الموقع : الجبيل

    حبوبات اخر زمن Empty رد: حبوبات اخر زمن

    مُساهمة من طرف الشكيرى الإثنين يونيو 14, 2010 1:01 pm

    يا ولد الله لا حضرنا الزمن دا عارف لو دا حصل القيامة قامت كيف حالك واحوالك انشاء الله بخير كيف حال الاسرة الكريمة عساهم بخير وكيف حال الاخت ام محمد عساها بخير ما رسلت الايميل بتاع بحر احمد ابكر والاخ خالد محمد نور ودمتم.............

      الوقت/التاريخ الآن هو الخميس مارس 28, 2024 9:45 am