وجع قلب

كل من علي ارض المليون ميل مربع متابع لازمة دارفور بكل تفاصيلها بل العالم باثره من احداث اقتتال نزوح سلام مفاوضات الخ....... ومن ضمن المنابر العديده منبر الدوحه اخيرا بعد ابوجا 1 2 وامجمينا وطرابلس وكان توقيع اتفاق اطاري بين الحكومه والعدل والمساواه والناس استبشرت خيرا لكن الاخيره فضلت الحرب واتت مجموعة التجاني سسي برضو وشايف الايامات دي بدو يبطبطو من شنو انا ماعارف .
ذات مره زرت فندق الموفنبك علي كرنيش الدوحه لقيت جماعه التجاني سسي وبعض من افراد العدل والمساوه اخر تحشيشه ومبسوطين علي الاخر حرس وجهاز تفتيش عند مدخل باب الفندق وووا المهم قمت بعملي الذي اتيت من اجله واخدت بعضي ورحت .
بعد شهر تقريبا ذرت صديق مريض بمستشفي حمد العام وانا باحد الممرات وفي غرفه سمعنا جدل شديد بين سوداني واحد الاطباء يقول للطبيب بان له الحق في صرف دواء له بالمجان سالنا منو لانو متاكدين مافي سوداني بعمل العملو الراجل ده قالو لينا ده من جماعة دارفور في الوفد المفاوض تخيلوا حق الدواء ريالين فقط لاغير .
ومره كنت مع احد الاقارب حكيت له الموقف قال لي ياخي الجماعه ديل عندهم 1500 ريال يوميا من الديوان الاميري مصروفات للفرد الواحد تاني بيمشو عرفت من اليوم داك انو الناس دي ماعايزه سلام عايزين يملوا قروش هم وناس دارفور يحرقوا ببنزين .
وفي زيارتي الثانيه لفندق الموفنبيك قلت للحرس عاملين للجماعه ديل هيلمانه في الفاضي انا عليك الله بخسر لي طلقه في واحد منهم الحرس ما رد علي ما بعرف حاول يتجنبي ولا مافهمني لاني اتكلمته باللهجه السودانيه .